Вметни го видеово close
Сподели го видеово close
bookmark bookmark bookmark bookmark bookmark bookmark bookmark bookmark bookmark bookmark bookmark bookmark
embed тест
Дај оценка embed

True Grit (2010)

Година: 2010
Оригинален наслов: True Grit
Режија:
Сценарио:
IMDb oценка:
Времетраење: 110 мин.
Главни улоги: Jeff Bridges, Matt Damon, Hailee Steinfeld, See full cast & crew
Оценка: 10

Приказна: Најпрво вреди да се спомне фактот дека истава приказна е веќе филмувана во 1969. Филмот го носи истиот наслов а во главната улога е легендарниот John Wayne. Бидејќи го немам гледано, неможам да судам за неговиот квалитет ниту пак колку новиов True Grit е преработка или е едноставно нов поглед на романот на Charles Portis. Тука и ќе го завршам муабетот за старата верзија.

Приказната во True Grit претставува нарација на Mattie Ross, сега веќе средовечна жена, за случувањата во нејзиното детство околу убиството на нејзиниот татко.  Иако само 14 годишно девојче таа на итар и неверојатно тврдокорен начин успева да го најми маршалот Rooster Cogburn и тексашкиот ренџер LaBoeuf да го најдат убиецот. Така со нив двајца тргнува по потрага за Tom Chaney низ американските прерии. Тоа можеби и не би бил толку голем проблем доколку не се земат проблематичните карактери на двајцата главни протагонисти. Cogburn, веќе во години, е суетен и пропаднат пијаница а LaBoeuf е осаменик далеку од својот дом, научен да не верува на никој друг освен на себе си. Ниту еден од двајцата не и ја олеснува работата на малата Mattie Ross.

Иако филмов припаѓа на вестерн жанрот, направен е на така фин начин што верувам дека ќе се допадне и на женската публика. Кон таква претпоставка ме влече и сентименталната нота проткаена низ крајот на филмот која сигурно нема никого да остане рамнодушен.

Екипа: Нема ништо поубаво кога една одлична филмска приказна ќе биде одиграна од уште подобра глумечка екипа. True Grit е баш еден таков пример. Jeff Bridges (Rooster Cogburn) , Hailee Steinfeld (Mattie Ross), Matt Damon (LaBoeuf) и Josh Brolin(Tom Chaney) даваат прекрасни изведби! Тоа мое мислење не е поради фактот што се ѕвезди! Ни најмалку не е така! Луѓево во филмов се едноставно феноменални, даваат можеби се од себе за да на веродостоен начин ги одиграат улогите кои што им се дадени. Нешто што можеби и треба да е стандард но за жал стандард што се помалку го има во Холивуд.


За Hailee Steinfeld улогата на Mattie Ross е нејзина прва на големото платно. Можете да замислите колку е само добра кога во својот дебитантски настап успева да добие номинација за оскар. Подобра глума од млада актерка немам видено со години!


Начинот на кој господинот Jeff Bridges успева да се истрансформира од филм до филм се граничи со генијалност! Нема како поинаку да се објасни и неговата улога како Rooster Cogburn која му ја носи шестата номинација за оскар! Лани истата таа награда и ја освои. Изгледа како да влегува во своето златно глумечко доба кога целиот талент му експлодира на најдобар можен начин.

Се на се: 10 номинации за оскар, 13 други веќе освоени награди и уште 54 други номинации. Филм за сечиј вкус што несмее никој да го пропушти! Чиста десетка!

Оценка: 10/10

Нема одговори до “True Grit (2010)”

  1. [...] главните улоги се Jeff Bridges (True Grit) како Kevin Flynn и Garrett Hedlund како Sam Flynn. Двата можеби [...]

Коментирај

Мора да си логиран за да коментираш.